Dei tilsette
Ingjerd Leirstein Bøkenes
Veterinær
Ingjerd vart utdanna veterinær ved universitetet i Liverpool i 1993. Ho har i mange år jobba både med produksjonsdyr og kjæledyr i Lærdal veterinærdistrikt, men i 2017 bestemde ho seg for å satse fullt og heilt på smådyra. Ho starta opp Sogn Dyreklinikk, der ho no fungerer både som eigar og dagleg leiar.
Ingjerd har teke mange etterutdanningskurs opp gjennom åra, og interesserer seg spesielt for avanserte tannbehandlingar og blautvevskirurgi. Hennar eigen kreftsjukdom gjer at ho ynskjer å tilby sine eigne pasientar den aller beste kreftbehandlinga, både med kirurgi og cellegift.
På fritida er Ingjerd oppteken med dei fire borna sine. Ho har òg høns i hagen, 3 kattar og hundane Bris og Elling. Mannen hennar driv eit lite småbruk med sauehald, så heilt slutt på produksjonsdyrpraksisen er det ikkje.
Elise Berg Hustveit
Veterinær
Elise vaks opp i Sogndal med ein småbarnsdraum om å verte dyrlege. Ho utdanna seg på University of Veterinary Sciences i Brno, Tsjekkia 2014-2020.
Etter studia etablerte ho seg i Høyheimsvik med sambuar og Stegg (ein irsk setter på 12år). Elise jobbar som ansatt i 60% stilling på Sogn Dyreklinikk og med sitt enkeltpersonsforetak i tredelt vakt i Sogndal og Luster kommune. Med dette får ho god erfaring med smådyr, men også stordyr. Ho har tatt fleire kurs og gler seg til å utvikle seg vidare med fokus hovudsaklig på hund og katt.
Lisa Marie Hjellhaug
Klinikkassistent
Lisa Marie har jobba som klinikkassistent sidan oppstart av Sogn Dyreklinikk i 2017. I 2020 tok ho også utdanningen «Dyrlegeassistent» gjennom Fagsenteret.
Ho har teke fleire ulike kurs innan blant anna anestesi, odontologi og rehabilitering. Vidare så ynskjer ho og utvikle seg meir innan rehabilitering på hund.
På fritida likar ho og halde på med hest. Ho er aktiv innan hestesport med hesten sin Jake, der ho konkurrerar på hobbybasis i disiplinane dressur og sprang. Ho har også hunden Billie på 5 år, og katten Jan Thomas på 14 år.
Ann-Margit Albertsen Skaar
Klinikkassistent
Ann-Margit har arbeida som klinikkassistent hjå Sogn Dyreklinikk sidan mars 2020. Ho har tatt diverse kurs i blant anna ernæring og sårstell og vil vidare fordjupe seg spesielt i sårbehandling og katteåtferd. På klinikken assisterer ho veterinærane ved blodprøvetaking, anestesi, labarbeid, betener resepsjonen og hjelper eigarar med å velje riktige produkt som selar, fôr og pleiemidlar for dyra sine.
Sjølv har ho to kattar, søskena Borr og Tirill (født i 2017) som ho bruker mykje av tida si på. Elles måler ho litt på fritida og tek vidare utdanning i HR og personalleiing. Ho er engasjert i dyrevelferd og dyrs rettigheiter og er med i Dyrevernlaget Indre Sogn.