Bloddonasjon
Nokre gongar treng dyr blodoverføring for å overleve
– til dømes ved alvorleg skade, operasjon eller sjukdom. Då er vi heilt avhengige av friske dyr som kan stille som blodgjevarar.
Ved Sogn Dyreklinikk ynskjer vi no å utvide blodgjevar-ordninga vår for både hund og katt, og vi håpar fleire vil vere med å bidra.
Kven kan bli blodgjevar?
Vi gjer alltid ei individuell vurdering, men generelt ser vi etter dyr som:
Er friske og i god allmenntilstand
Er mellom 1 og 8 år (helst start ved 1–4 års alder)
Har eit roleg og trygt lynne
Ikkje har fått blodoverføring tidlegare
Veg minimum 23kg (hundar)
Veg minimum 5kg (kattar)
Kva inneber det å vere blodgjevar?
Før eit dyr kan bli godkjent som blodgjevar, gjennomfører vi ei grundig undersøking:
Klinisk undersøking hos veterinær
Blodprøver (blodtyping, hematologi og biokjemi)
Screening for relevante infeksjonssjukdommar
Vurdering av temperament og trivnad i klinikkmiljø
For oss er det heilt avgjerande at blodgjevaren trivst og opplever situasjonen som trygg.
Kva får du og dyret ditt igjen?
Som blodgjevar hos oss får dyret:
Gratis helsesjekk med blodprøver og blodtyping ved oppstart
Gratis årleg helsekontroll med vaksinering
Ein valfri gratis fórsekk ved kvar bloddonasjon
Men det viktigaste av alt: Dyret ditt kan vere med på å redde livet til eit anna dyr. Blodgjevarar er livreddande heltar 💛.
Vil du melde di interesse?
Ta gjerne kontakt med oss dersom du trur dyret ditt kan vere ein aktuell kandidat – vi set stor pris på alle som ynskjer å bidra!