Endoskopi

Endoskopi er ei skånsam undersøking der vi nyttar eit tynt, fleksibelt kamera (endoskop) for å sjå inn i kroppen utan kirurgi. Utstyret har både lys og kamera, og gir oss eit detaljert bilete av slimhinner og organ på ein skjerm.

Hjå Sogn Dyreklinikk vert endoskopi alltid utført i narkose. Det gjer at dyret ligg heilt i ro, slik at vi kan gjennomføre ei trygg og grundig undersøking utan ubehag for pasienten.

Vi nyttar endoskopi mellom anna til å undersøkje:

• Spiserøyr og magesekk

• Luftrøyr og luftvegar

Gjennom endoskopet kan vi óg:

• Ta vevsprøver (biopsiar) for vidare analyse

• Fjerne framandlekamar, til dømes frå spiserøyr eller magesekk

• Ta skyljeprøver frå luftvegar (t.d. ved mistanke om parasittar, infeksjon eller betennelse).                                                                 

Endoskopi er ein skånsam metode med låg risiko, og kan i mange tilfelle erstatte meir omfattande kirurgiske inngrep.